Yummy tender Appemidi & Jeerige midi Combo 1kg (pack of 2X500gms)

ಉಪ್ಪಿನಕಾಯಿಗಳಲ್ಲೇ ಪ್ರಸಿದ್ದವಾದ ಉಪ್ಪಿನಕಾಯಿ, ಮಾವಿನ ಮಿಡಿ ಉಪ್ಪಿನಕಾಯಿ. ಇದು ಭಾರತ ,ಮಲೆನಾಡಿನ ಭಾಗದಲ್ಲಿ ಹೆಚ್ಚು ಪ್ರಸಿದ್ಧಿ ಹೊಂದಿದೆ. ಈ ಉಪ್ಪಿನಕಾಯಿ ಬಹಳ ವಿಶಿಷ್ಟವಾದುದು.ಇದನ್ನು ಎಲ್ಲಾ ತರಹದ ಮಾವಿನ ಕಾಯಿ ಇಂದ ಮಾಡಲು ಸಾಧ್ಯವಿಲ್ಲ. ಅದರದ್ದೇ ಆದ ಮಾವಿನ ತಳಿಗಳಿಂದ ಮಾತ್ರ ಮಾಡಲು ಸಾಧ್ಯ. ಜೀರಿಗೆ ಮಿಡಿ, ಅಪ್ಪೆ ಮಿಡಿ, ಕಡಲೆ ಮಿಡಿ ಕೆಲವು ತಳಿಗಳು. ಈ ಮಿಡಿ ಉಪ್ಪಿನಕಾಯಿಯನ್ನು ತಯಾರಿಸಲು ಎಲ್ಲರಿಂದಲೂ ಸಾಧ್ಯವಾಗುವುದಿಲ್ಲ. ಅದಕ್ಕೆ ಹೆಚ್ಚಿನ ಚಾಕಚಕ್ಯತೆ ಬೇಕು. ಈ ಉಪ್ಪಿನಕಾಯಿಯನ್ನು ತಯಾರಿಸಲು ಹೆಚ್ಚಿನ ಸಮಯ ಹಿಡಿಯುತ್ತದೆಯಾದರೂ ಇದು ನೀಡುವ ಸ್ವಾದ ಬಹಳ ರುಚಿಕರವಾಗಿರುತ್ತದೆ. ಮಿಡಿ ಉಪ್ಪಿನಕಾಯಿಯನ್ನು ತಯಾರಿಸಲು ಹೆಚ್ಚಿನ ಪರಿಶ್ರಮ ಅಗತ್ಯ. ಮೊದಲು ಮಾವಿನ ಕಾಯಿಯನ್ನು ಉಪ್ಪಿನಲ್ಲಿ ಹಾಕಿ ಒಂದು ಜಾಡಿಯಲ್ಲಿ(ಭರಣಿಯಲ್ಲಿ) ಸುಮಾರು ಒಂದು ವಾರದ ತನಕ ಇಡಬೇಕು. ವಾರದ ನಂತರ ಮಿಡಿ, ಉಪ್ಪನ್ನು ಹೀರಿಕೊಂಡದ್ದನ್ನು ಗಮನಿಸಿ, ಅದನ್ನು ನಂತರ ಉಪ್ಪುನೀರಿನಿಂದ ಬೇರೆ ಮಾಡಿ, ಅದನ್ನು ಒಳ್ಳೆಯ ಶುದ್ದ ಬಟ್ಟೆಯ ಮೇಲೆ ಹರಡಿಸಿ ಆರಲು ಬಿಡಬೇಕು. ಉಪ್ಪಿನಕಾಯಿ ಮಾಡಲು ಬಳಸಿದ ಉಪ್ಪಿನ ನೀರನ್ನು ಕುದಿಸಿ ಆರಲು ಬಿಡಬೇಕು. ಕುದಿಸಿ ಆರಿಸಿದ ಉಪ್ಪಿನ ನೀರಿಗೆ ಅಚ್ಚ ಮೆಣಸಿನ ಪುಡಿ, ಸಾಸಿವೆ ಪುಡಿ, ಜೀರಿಗೆ ಪುಡಿ, ಇಂಗು, ಅರಿಸಿನ ಪುಡಿ, ಸ್ವಲ್ಪ ಮೆಂತ್ಯೆ ಹಾಕಿ ಅದನ್ನು ಸರಿಯಾಗಿ ಮಿಶ್ರಣ ಮಾಡಿ ಅದಕ್ಕೆ, ಮಾವಿನ ಮಿಡಿಗಳನ್ನು ಹಾಕಿ ಜಾಡಿಯಲ್ಲಿ ಸುಮಾರು ೩ ತಿಂಗಲ ಕಾಲ ಇಡಬೇಕು. ಹೀಗೆ ತಯಾರು ಮಾಡಿದ ಉಪ್ಪಿನಕಾಯಿ ಸವಿಯಲು ಬಲು ರುಚಿಕರವಾಗಿರುತ್ತದೆ. ಈ ಮಿಡಿ ಉಪ್ಪಿನಕಾಯಿಯನ್ನು ಮೊಸರನ್ನದ ಜೊತೆ ಸವಿದರಂತೂ ಇನ್ನೂ ರುಚಿಯಾಗಿರುತ್ತದೆ. ಹೀಗೆ ತಯಾರು ಮಾಡಿದ ಉಪ್ಪಿನಕಾಯಿಯನ್ನು ವರುಷಾನುಗಟ್ಟಲೆ ಇಡಬಹುದು.

ಉತ್ತರಕನ್ನಡ ಜಿಲ್ಲೆಯಲ್ಲಿಯೇ ೩೦೦ಕ್ಕೂ ಹೆಚ್ಚಿನ ತಳಿಗಳು ಇವೆ. ಪಶ್ಚಿಮಘಟ್ಟ ಪ್ರದೇಶದಲ್ಲಿ ನೂರಾರು ಮಿಡಿಮಾವಿನ ತಳಿಗಳಿದ್ದು, ಪ್ರತಿ ಜಿಲ್ಲೆಯಲ್ಲಿ ೨೫-೩೦ರಷ್ಟು ಗೊಂಚಲು ಫಲ ನೀಡುವ ಕೃಷಿ ಯೋಗ್ಯ ತಳಿಗಳನ್ನು ಗುರುತಿಸಬಹುದಾಗಿದೆ. ಉತ್ತರಕನ್ನಡ, ಶಿವಮೊಗ್ಗ ಕಡೆಯ ಕೃಷಿಕರು ತಮ್ಮ ತಮ್ಮ ಊರಿನ ಸುತ್ತಮುತ್ತ ಕಂಡುಬರುವ ವಿಶಿಷ್ಠ ಗುಣಗಳುಳ್ಳ ಮರಗಳನ್ನು ಗುರುತಿಸಿ ಅವುಗಳಿಂದ ಕಸಿ ತಳಿಗಳನ್ನು ರೂಪಿಸಿದ್ದಾರೆ. ಕೆಲವು ತಳಿಗಳಿಗೆ ಅವುಗಳನ್ನು ಬೆಳೆಸಿದ ಕುಟುಂಬ ನಿರ್ದಿಷ್ಟ ಹೆಸರುಗಳೂ ಇವೆ. ಅನಂತಭಟ್ಟ ಅಪ್ಪೆ, ಮಾಳಂಜಿ ಅಪ್ಪೆ, ಹಳದೋಟ ಅಪ್ಪೆ, ಕರ್ಪೂರ ಅಪ್ಪೆ, ಚೌತಿ ಅಪ್ಪೆ, ಕೆಂಗ್ಲೆ ಬಿಳಿ ಅಪ್ಪೆ, ಭೀಮನಗುಂಡಿ ಅಪ್ಪೆ, ಅಡ್ಡೇರಿ ಜೀರಿಗೆ, ಚೆನ್ನಿಗನತೋಟ ಜೀರಿಗೆ, ಕೂರಂಬಳ್ಳಿ ಜೀರಿಗೆ, ದೊಂಬೆಸರ ಜೀರಿಗೆ, ಜೇನಿ ಜೀರಿಗೆ, ಅಡ್ಡೇರಿ ಜೀರಿಗೆ, ಪಡವಗೋಡು ಜೀರಿಗೆ, ಕಾಳಿಗುಂಡಿ ಅಪ್ಪೆ, ಭೀಮನಕೋಣೆ ಕೆಂಚಪ್ಪೆ, ಜಲ್ಲೆ ಅಪ್ಪೆ, ಸೂಡೂರು ಲಕ್ಷ್ಯ ಅಪ್ಪೆ, ಕರ್ಣಕುಂಡಲ, ಹಾರ್ನಳ್ಳಿ ಅಪ್ಪೆ, ಕಂಚಪ್ಪೆ, ಹೊಸಗದ್ದೆ ಅಪ್ಪೆ, ಗೆಣಸಿನಕುಳಿ ಜೀರಿಗೆ,ಅಂಡಗಿ ಅಪ್ಪೆ. ಕಣಗಲಕೈ ಅಪ್ಪೆ ಮುಂತಾದ ಹೆಸರಿನ ಅಪ್ಪೆ ತಳಿಗಳಿವೆ.

Source:wikipedia